• اخر الاخبار

    كيما اليوم بدات الحكاية

    كيما اليوم بدات الحكاية
     حكاية وجيعة فدت مالسكات
     حكاية دمعة فدت مالغصة ومالظلام
     كيما اليوم الدمعة عيطت ونادات
    كيما اليوم هاك الدمعة الضعيفة الوحيدة
     ولات سيل جارف لا يخاف لا صنم ولا كرتوش
     كيما اليوم دمعتنا ولات وحدة
    خاطر جرحتنا يد وحدة
     وخاطر حبيبتنا وحدة
     واليوم وينا أحنا من هاك السيل؟
     اليوم رجعنا وديان صغيرة ومشتتة
     كل واد هارب في ثنية وحدو
     ويقول انا اللي نواسي الحبيبة
     انا اللي نطفي نارها اللي لهبت
    كيما اليوم...
     وكيما اليوم هاك الدمعة
     تسأل في روحها
     زعمة ينساوني
     وترجعلي غصتي في الظلام
     موش هي اللي ضحكتلي كيما اليوم
     و قتلي ماتخافش
     يوم أخر و إلا كيما اليوم
     لازم نتلاقاو...لازم نتلاقاو
    • تعليقات بلوجر
    • تعليقات الفيس بوك

    2 comments:

    1. مشكورين جداا على المدونة الهايلة دى .. مع ارق تحياتى

      RépondreSupprimer
    2. شكرًا و دمت وفية..تحياتي

      RépondreSupprimer

    Item Reviewed: كيما اليوم بدات الحكاية Rating: 5 Reviewed By: @HosQuijote_الكيخوتي
    إلى الأعلى