• اخر الاخبار

    شعور سخيف

    شعور سخيف على راي الجخ انك تحس روحك في بلد ضعيف
    شعور  سخيف انك ترى في بلادك بعد الناس الي ماتت ناس اخرى تستنى في دورها باش تموت ببطئ وعذاب والرصاص يمخر في لحمهم
    شعور  سخيف وقتلي الي ضربو الكرتوش طلعوا خيال والا جنون والي المحاكمات الي قاعدة تصير عبارة على مسابقة "من ساهم اكثر في الثورة"
    شعور  سخيف انو تحس بلادك دارتلك ظهرها من جديد بعد ما خلاتك تحلم الي الشمس تبدا في سماها
    شعور  سخيف وقتلي تندم انو ماتهزش سلاح بعد هربان بن علي وما تحطوش برشة وجوه بايتة في الحبوسات
    شعور  سخيف وقتلي تندم انك تؤمن بالمحاكمات العادلة والتحضر ويزيدو يحبو يقنعوك بالعدالة الانتقالية
    شعور  سخيف وقتلي من عام لتوة وانت تشهق ماتلحق في حكايات عمرك ماخممت فيها ولا الي ماتوا كانوا يدافعوا عليها
    شعور  سخيف وقتلي تكتشف حجم الهوة الي بينك وبين ناس تتنفس معاهم فرد هواء لكنهم مستعدين باش يحرموك من النفس  لانك تخالفهم الايمان
    شعور  سخيف وقتلي تعيش مسرحية العزايز الي صايرة اليوم بين جماعة تحب تعاود تكتب التاريخ وجماعة تقيم في التاريخ مالقبر 
    والسخيف انهم حطوا المستقبل خارج حسبة التاريخ ويحبوا يوهموك الي الشمس اعتصمت في كتب التاريخ
    السخيف انك رغم كل شئ مازلت تحلم الي باش يجي نهار وتحرر الشمس و تحبسهم هوما في كتاب تاريخ 
    (خنيفسة دنيفسة)
    • تعليقات بلوجر
    • تعليقات الفيس بوك

    2 comments:

    1. شكرًا كلام معبر

      RépondreSupprimer
    2. لم يبقى لنا سوى الكلام ولكننا لن نخرس مجددا
      مرحبا بك دائما

      RépondreSupprimer

    Item Reviewed: شعور سخيف Rating: 5 Reviewed By: @HosQuijote_الكيخوتي
    إلى الأعلى